Ish-Presidenti i Kosovës, Behgjet Pacolli ka përkujtuar Presidentin historik, Dr.Ibrahim Rugova në 19-vjetorin e vdekjes së tij.

Pacolli u shpreh se Rugova ishte njeriu i vizionit dhe guximit, i cili, me mençurinë dhe përkushtimin e tij, e e edukoi dhe udhëhoqi popullin tonë drejt lirisë dhe pavarësisë, shkruan Arbresh.info.

“Me mall të madh dhe respekt të thellë kujtoj Presidentin historik të Kosovës, Dr. Ibrahim Rugovën, simbolin e dijes, urtësisë dhe paqes. Ai ishte njeriu i vizionit dhe guximit, i cili, me mençurinë dhe përkushtimin e tij, e e edukoi dhe udhëhoqi popullin tonë drejt lirisë dhe pavarësisë.”, ka shkruar ai.

Ai u shpreh se falë sakrificës së presidentit Rugova sot jetojmë në liri.

“Sot, falë sakrificës dhe përpjekjeve të tij të palodhshme, ne jetojmë të lirë dhe të pavarur, duke ndjekur rrugën e ndritur që ai trasoi me përkushtim e mençuri.  Lavdi përjetë Presidentit Rugova! Ju kujtojmë gjithmonë me nderim dhe mirënjohje të pafundme!”, ka shkruar Pacolli./Arbresh.info/